34 годишната актерка, една од најубавите жени во светот, открива дека за нејзиниот неодолив изглед, треба да се заблагодари на нејзината баба, која ја научила на многу трикови за убавина, а кои Лив и денес ги применува.
„ Мојата баба ме научи околу негата на коса, како секогаш убаво да мирисам и како секогаш да посветам време на мојот изглед, дури и кога сакам да изгледам природно“, рече Лив.
Таа открива дека тајната е во деталите. Исто така, таа открива дека ги слуша и советите на професионалците, а што се однесува до нејзината преубава коса, актерката открива дека користи голема количина на регенератор, благодарение на кој нејзината коса секогаш е сјајна и нежна.
Иако можеби е тешко да се поверува, Лив не ги употребува скапите третмани за лице, бидејќи како што кажува, нема време за нив, туку се труди со здрава исхрана да ја одржува здрава и кожата. „Пијам доста свежо цедени сокови, посебно од краставица и мислам дека благодарение на тоа мојата кожа секогаш изгледа свежо и хидрирано “.
