По бројните претпоставки и шпекулации, конечно е потврдено дека ќе се снимаат продолженија на култната серија „Сексот и градот“.
Според холивудската штампа, во новите серии ќе се работи за почетоците на четирите пријателки, а приказната е заснована врз романот „Дневниците на Кери“ на Кендас Бушнел.
Овие продолженија ќе бидат во главно наменети за помладата публика, бидејќи главната хероина е Кери Бредшо претставена како тинејџерка. Сеуште не се знае кој точно ќе ги глуми познатите Кери, Миранда, Саманта и Шарлот.
Погодувањата започнаа и најчесто се вртат имињата на Блејк Лајвли и Мајли Сајрус за улогата на Кери. Мајли изјавила дека на драго срце би ја прифатила оваа улога.