Лоша вест за естетската хирургија! Веќе има бесплатен и значително по пријатен начин жените да изгледаат убави и млади. Единственото нешто што треба да го направат е да се заљубат!
Според француското истражување, кога жената е вљубена, тоа се гледа не само по пламенот во нејзините очи. Кожата и станува мека и свилена, а косата изгледа здрава и сјајна. Брчките и круговите под очите се намалуваат на половина. Накратко, среќата е напишана на нејзиното лице! Дури и не толку атрактивна дама, може да се претвори во вистинска убавица.
Се разбира, дел од оваа промена се должи на поттикот и трудољубивоста да изгледа добро во очите на посилниот пол. Модерна гардероба, повеќе спорт, секси фризура, чувство дека е посакувана… Но паралелно со тоа се лачат хормони кои имаат разубавувачки и подмладувачки ефект.
Според психолозите пак, вљубената жена полесно постигнува внатрешна хармонија со себе си. Се намалува и стресот, бидејќи таа престанува да се нервира за за ситни проблеми и гледа на работите од позитивната страна.