Експертите тврдат, дека до успешното, најефикасното и долготрајното губење на килограмите се стигнува со промена на животниот стил и некои навики.
Доказ за тоа им пружа испитувањето во кое учествувале жени, кои драстично ја намалиле својата телесна тежина, а кои најчесто им давале слични совети на лицата кои сакале да ослабат на здрав и ефикасен начин.
Секоја од овие жени, ги навела промените кои што ги направила врз животниот стил и навиките, како основен чекор во борбата против вишокот килограми. А со промена на овие навики, важна е и свесноста дека овој процес трае долго, но тоа е единствениот здрав начин да ослабите успешно.
- Ги бротите калориите кои секојдневно ги внесувате
Ако ја следите калориската вредност на она што го внесувате во организмот и следите колку калории се трошат при вашата физичка активност, секогаш ќе можете да знаете колку уште калории можете да јадете..
- Дозволете си еден ден во неделата, кога ќе можете да го јадете својот омилен десерт
За да останете верни во својот нов начин на живот и исхрана, потребно е одвреме-навреме да ги задоволите потребите за одредени видови храна што сте ги отфрлиле. Ако премногу долго ги отфрлате, може да се случи да се откажете, а потоа тешко ќе се вратите на вистинскиот пат. Затоа понекогаш дадете си пауза на себеси, а наредниот ден продолжете да јадете по својот режим и без отстапки.
- Вежбајте најмалку 5 дена во неделата
Воведете тренинг од еден час и осмислете го така што подеднакво ќе ги оптоварите сите групи на мускули. Комбинирајте ги различните типови на тренинзи и обидете се да бидете активни најмалку 5 дена во неделата и резултатите нема да изостанат.
Секоја од овие жени мотивацијата за успех ја најде во себе, кога ги виде првите резултати. Секоја од нив успеала да се победи себеси и да стане нова личност. Низ тоа патување можете и вие да поминете, ако навистина сакате!