Дури и ако не сте сигурни за своите чувства за момент, вашето и неговото однесување можат да ви откријат многу. Моменти на несигурност, па дури и сомнеж во вашата љубов, се сосема нормални. Се разбира, ако не се случуваат премногу често. Сепак, постојат јасни знаци кои откриваат дека сте создадени едни за други и токму тие можат да ги убијат вашите дилеми.
Поминавте низ добри, но и лоши работи
Ако се поддржувате едeн со други во сите ситуации, а сте уште поблиски едни до други дури и по „бурата“, тоа е еден од знаците дека сте создадени едни за други.
Споделувате истите цели
Важно е да знаете дека одите во иста насока во текот на целиот живот, но тоа не значи дека треба да имате идентично мислење за сите нешта. Но, ако тој не сака деца, а вие сонувате за големо семејство или сонувате за кариера, додека тој мисли дека ќе бидете домаќинка – сето ова треба да биде знак на тревога.
Не трошите време на бесмислени кавги
Во ред е да се карате и ако некој ви тврди дека постојат односи во кои партнерите никогаш не се караат,сигурно лаже. Но, ако по секоја кавга не зборувате и не се слушате со денови, па дури и со недели, треба да размислите за иднината на таквата врска.
Му верувате на вашиот партнер
Важно е да имате доверба во личноста со која сакате да го поминете животот. Неговиот телефон и компјутер не мора постојано да бидат во ваши раце, за да бидете сигурни во неговата лојалност.
Се разбирате и под чаршафите
Иако физичката привлечност, како и одличниот интимен живот, не се гаранција за успешна врска, никој не може да негира дека тоа е важен фактор.