Холивудскиот актер Стивен Сигал и неговата сопруга Ерденетјуја Сигал пристигнаа во Белград, каде што ќе започнат со снимањето на нивниот нов акционен трилер „Орден на змејот“ кон средината на септември. Снимањето ќе започне во септември 2025 година и ќе се одвива на атрактивни локации во Белград. Проектот ветува дека ќе биде враќање во „златното доба на акцијата“ од 80-тите и 90-тите години, со импресивна меѓународна екипа.
Режисерот на филмот, Вјекослав Катушин, не го крие својот ентузијазам за соработка со легендата на акционите филмови.
Сакам да се шегувам дека речиси го вратив од пензија. Верувам дека таква актерска легенда, како Стивен Сигал, не може да престане. Голема чест и предизвик е за мене да работам со таков уметник. Со нетрпение го очекувам секој кадар што ќе го снимаме – рече Катушин.
Освен Сигал, филмот ги спојува и другите икони од акциониот жанр:
Рон Смуренбург – холандски мајстор на боречки вештини познат по својата спектакуларна борба во филмот на Џеки Чен „Кој сум јас?“
Мишел Киси – незаборавниот Тонг По од филмот „Кикбоксер“, во кој глумеше заедно со Жан-Клод Ван Дам.
Мајкл Паре – американски актер со богата филмографија
Џени Парис и Алона Харт – ѕвезди од претходниот филм на Катушин „Неправедна смрт 2: Крвни линии“