Ладна сум. Ми велат дека немам срце, а јас им одговарам со насмевка. Простувам, но само ако заслужува. Понекогаш сум многу груба, а понекогаш не ми е гајле. Плачам, но на никој не му дозволувам да ги види моите солзи.
Дрска сум, но никој не знае колку ми е страв. Се борам, но никој не знае колку сум изморена. Сакам да сакам, но немам кого.
И се појави ти. Јас сум најмалиот човек со тебе. Плачам пред тебе и се борам секоја една секунда за твојата насмевка. Топло ми е кога ќе ме прегрнеш, а замрзнувам кога те нема. Зборовите ти ги кажувам со молчење. Просто чувствувам страв. Не сакам да бидам само твоја попатна станица, туку твоја крајна дестинација. Не сакам да бидам само една девојка, сакам да бидам твоја девојка…