Поранешната девојка на Бонд ги изненади обожавателите со стари фотографии на кои изгледа речиси непрепознатливо.
Актерката Ким Бесинџер (72) сподели спомен од снимањето за списание во 2014 година за време на викендот, каде што позира во елегантни комбинации среде пустина, со руса коса што ѝ се спушта по грбот.
„Сакав да избегам за викендот, па се вратив на едно старо сеќавање низ жешката пустина каде што јасно можев да ги слушнам свадбените ѕвона…“ напиша таа во описот, додавајќи дека тоа било „вистинско магично искуство“ за неа.
Обожавателите и пријателите ја обсипуваа со комплименти, нарекувајќи ја „божествена“ и „вистинска муза на модата и филмот“.
Меѓу оние што реагираа беше и Хилари Болдвин, сопругата на актерот Алек Болдвин, која остави емотикони во знак на поддршка.
Ким беше во брак со Алек Болдвин од 1993 до 2002 година, а заедно имаат ќерка, Ирланд Болдвин, родена во 1995 година. По бурна разводна битка и старателство, нивниот однос беше затегнат со години.
Сепак, денес тие имаат фер однос.
„Алек и јас имаме одличен однос. Го почитувам местото каде што е тој денес и неговото семејство“, рече Ким во едно интервју во 2025 година, додавајќи дека иако не се гледаат често, тие разговараат редовно.
Актерката се повлече од јавноста неколку години поради сериозни здравствени проблеми.
Таа страдаше од агорафобија, што ја спречуваше да излегува од дома. Се присети на момент кога доживеала напад на паника во продавница, по што не можела да вози ниту да функционира нормално со месеци.
„Како нешто во тебе целосно да се исклучува и мораш сè да научиш одново“, објасни таа, додавајќи дека постојано се чувствувала исцрпено и исплашено.
За среќа, таа имала огромна подршка од нејзината ќерка Ирланд, која ѝ помогнала постепено да се врати во нормалниот живот и да излезе од изолација.