Russell Crowе ќе го игра еден од најпопуларните библиски ликови во филмот „Noah“ на режисерот Darren Aronofsky.
Режисерот на филмот „Црниот лебед“ им се заблагодарил на спонзорите што му помогнале да ѝ „вдахне живот“ на оваа библиска приказна.
– Среќен сум што Russell Crowе ќе биде покрај мене во оваа возбудлива авантура. Неговиот неверојатен талент ќе ми помогне мирно да спијам. Се радувам што ќе го гледам секој ден, – биле зборовите на режисерот.
Филмот ја следи приказната за арката на Ное, а сценариото заедно со Aronofsky го напишале Ari Handel и John Logan.
Снимањето започнува во јули на Исланд и во Њујорк. Во кината, филмот ќе може да се погледне дури во март, 2014 година.