Оскаровецот Sean Penn е во преговори за улогата во комедијата на Ben Stiller со наслов „The Secret Life of Walter Mitty“.
Римејкот на филмот „Walter Mitty“ веќе со години се развива и во почетната трка за оваа улога, која во далечната 1947 година ја глумеше Danny Kaye, биле Jim Carrey, Mike Myers и Sacha Baron Cohen.
Одлуката била донесена дури минатата година кога самиот Stiller соопштил дека ќе ја игра главната улога и ќе го режира филмот во кој покрај него, ќе играат и Adam Scott, Kristen Wiig, Shirley MacLaine и Patton Oswalt.
Филмот е фантазија/комедија која зборува за еден срамежлив фотоменаџер кој сонува за авантура и еден ден конечно го доживува својот сон.