Албумот „21“ на британската пејачка Адел е официјално најпродавано музичко издание во овој век. Рекордот досега му припаѓаше на албумот „Back to Black“ на Ејми Вајнхаус.
Од објавувањето во јануари оваа година, па досега, албумот „21“ е продаден во вкупно 3,4 милиони примероци, а албумот „Back to Black“ во 3,3 милиони. Албумот на Адел веќе 45 недели се наоѓа меѓу петте најпродавани, од кои 18 недели е најпродаван во Британија.
Поради овој албум, младата пејачка има и шест Греми номинации за оваа година.
– Ова беше моја година и можам да речам дека сум почестена. Јас направив албум, но вие му овозможивте да стане ова што е сега, – изјавила Адел.