Соул дивата Адел, која магазинот Билборд ја прогласи за изведувач на годината, изјавила дека во наредниве две или три години не планира да сними нов албум
Популарната пејачка за магазинот изјавила дека се уште не почнала да работи на третиот албум и дека сака прво малку да се одмори пред да почне да снима нов материјал.
„Се радувам на времето кога нема да треба ништо да правам. Претпоставувам дека ќе имам 2 5или 26 години кога ќе излезе новиот албум, бидејќи не сум стигнала ни една третина да одработам од него“, изјавила Адел.
„Планирам да изградам дом и само да живеам некое време. Ќе исчезнам на кратко и ќе се вратам со нова плоча кога ќе биде доволно добра. Нема да има нова музика додека јас не бидам спремна“, додала Адел.