Мегапопуларната група „Бекстрит Бојс“ повторно се враќаат на музичката сцена. За 2012 година, тие најавија снимање на нов, нивен осми по ред студиски албум.
Информацијата за нов материјал ја потврди и пејачот Хови Ди и уште додал дека овој машки бенд заедно со новите продуценти, по скоро 20 години од својот музички почеток, ќе звучи многу „посвежо“.
Бендот за 2012 година најави и заедничка европска турнеја со уште еден бенд во кој членуваат само момци, односно „New Kids on the Block“, а ќе настапуваат под заедничко име кое гласи „NKOTBSB“. Тоа е всушност акроним од имињата на двете групи.