Турските продуценти на филмот „Famine“, кој говори за помошта што Османлиското царство ѝ ја пружило на Ирска во 19-тиот век, главните улоги им ги понудиле на Leonardo DiCaprio и Colin Farrell.
Во тек се преговорите по кои ќе се знае дали познатиот ирски режисер Mark Mahon ќе застане позади камерите, а веќе е објавено дека филмот ќе се снима во Турција и во луксузното гратче во Ирска по име Дрогеди. Ова е всушност заеднички филмски проект на Турција и Ирска.
Во средината на приказната на филмот е љубовната сторија помеѓу поморецот Fatih и Иркињата Mary. Нејзината најголема желба била да ја пронајде вистинската љубов, но го запознава James кој за жал, мисли само на себе. Mary не гледа излез од оваа ситуација, но подоцна го запознава Fatih кој лудо се вљубува во неа.
За улогата на Fatih се цели кон DiCaprio, а за улогата на James продуцентот и режисер на проектот – Omer Sarikaya го планира Colin Farrell.