На повеќе од месец дена пред свеченото доделување на Оскарите, објавени се сите кандидати кои влегле во потесен круг за добивање на едно вакво престижно признание.
На чело на номинираните стои 3D филмот на Мартин Скорсезе „Хуго“ со 11 номинации, од кои и за најдобар филм и за најдобар режисер. Освен „Хуго“, за најдобар филм се номинирани и „Уметникот“, „Дрво на животот“, „Полноќ во Париз“, „Тајниот живот на куќната помошничка“, „Наследници“, „Играта на победникот“ итн.
Мерил Стрип и Џорџ Клуни се номинирани за најдобри актери и засега се фаворити во своите категории. За жал, филмот на Анџелина Џоли не е меѓу номинираните за Оскар. Официјалното доделување ќе се одржи на 26-ти Февруари, а водител ќе биде Били Кристал.