Потребни состојки:
– 200 гр пченкарно брашно
– 50 гр шеќер
– 1 ванилин шеќер
– 150 гр путер или маргарин
За филот:
– 1 тегла брусници
– 1 лажичка мелен цимет
За премачкување:
– 1 лажица млеко
– и една жолчка
Подготовка:
За тестото: измешајте го брашното, додајте го шеќерот и путерот и убаво измешајте со миксер.
Потоа измесете ја смесата на работна површина, се додека не добиете убава смеса. Ако тетсото е лепливо замотајте го со фолија и оставете го да отстои половина час на ладно место.
Половина од тестото земете и направете топка. Расукајте ја и сатевте ја во намастен сад за печење. Другата половина од тестото исто така расукајте ја и со нож исечете ленти со дебелина од 1 цм. Со нив направете решетка врз филуваната кора.
За филот: измешајте ги брусниците со циметот и премачкајте ја кората. Оставете еден сантиметар од краевите на кората, не ја премачкувајте до краевите. Одозгора наредете ги лентите од кора. Премачкајте ги со изматената жолчка и млеко и ставете ја тавата во загреана рерна на 180 степени да се пече околу половина час.