Голем број на енергетски пијалаци во себе содржат големи количества кофеин кој што предизвикува привремено зголемување на енергијата. Енергетските пијалаци содржат голем процент на шеќер и други супстанци кои само краткотрајно дозволуваат наплив на енергија, но истите се придружени со одредени дисфункционалности во организмот.
Енергетските пијалаци кои што содржат шеќер допринесуваат за зголемувањето на телесната тежина и внесот на премногу кофеин може да доведе до: зголемување на крвниот притисок, нервоза, иритантност, несоница, брзо чукање на срцето
Комбинацијата на на енергетските пијалаци и алкохол е уште побреблематично. Имено паралелното консумирање на енергетски пијалак и алкохол може да го забави чувството за интоксикација (времето за достигнување пијанство се пролонгира) што може да доведе до поголем внесот на алкохол, а со самото тоа и проблеми кои се јавуваат при големо количество на алкохол.
Повременото консумирање на енергетски пијалак е во ред. Меѓутоа доколку постојано се чувствувате изморени, а сакате да го подобрите тоа одберете поздрави начини за зголемување на Вашата енергија. Наспијте се, внесете физичка активност во секојдневниот живот и применете здрав начин на исхрана. Ако тоа не помогне, консултирајте се со Вашиот доктор. Понекогаш, уморот може да биде знак за некоја медицинска состојба како што е хипотироидизам или анемија.