За да бидете здрави потребно е да јадете многу овошје и зеленчук, но исто така ова значи дека треба да ги јадете деловите од овошјето и зеленчукот кои се најбогати со витамини, минерали и други хранливи состојки. Ваквите делови ние ги фрламе бидејќи не сме свесни за нивната вредност.
Антиоксидантот наречен кверцетин се наоѓа во лушпата на јаболкото. Тој ја подобрува работата на белите дробови и мозокот. Исто така во лушпата има многу повеќе витамини отколку во внатрешноста на јаболкото.
Во кората на портокалот се наоѓа состојка која го намалува нивото на холестерол повеќе од некои апчиња кои ги препишуваат за висок холестерол. Исто така оваа состојка спречува појава на срцеви болести. Се што треба да направите е да ја истискате течноста од кората на портокалот врз вашето омилено јадење.
Сите знаеме дека цвеклото е еден од најздравите природни продукти. Но дали сте знаеле дека најголемото здравје доаѓа од листовите на цвеклото? Овие листови се богати со калциум, железо, витамин А и К и многу други хранливи состојки.
Во кората на лубеницата се наоѓа аминокиселина која ја зголемува атлетската спремност и ја намалува болката во мускулите. Исто така, оваа киселина го намалува нитрогенот во крвта.
Листовите на шеќерната репка, како и листовите на цвеклото се богати со витамин А и К, калиум и железо.
Лушпата на компирот е многу поздрава од неговата внатрешност. Таа содржи големо количество железо, калциум, калиум, витамин Б и Ц.
Наредниот пат кога ќе чистите тиква, немојте да ги фрлате семките. Половина шолја вакви семки, содржи големо количество магнезиум, кој е важен за добрата работа на срцето, штити од остеопороза и главоболки.
