ПОТРЕБНИ СОСТОЈКИ:
3 супени лажици брашно
2 супени лажици путер
4 пилешки гради
75 мл бело вино или супа од кокошка (коцка)
3,5 супени лажици Сенф
250 мл павлака за готвење
2 супени лажици свежа мајчина душица (или естрагон)
сол и црн пипер (по вкус)
НАЧИН НА ПОДГОТОВКА:
Во чинија измешајте го брашното со сол и црн пипер. Тргнете настрана половина кафена лажичка од смесата.
Убаво измачкајте ги пилешките гради во смесата и истресете го вишокот. Во тавче за пржење растопете го путерот на средна температура и пржете го пилешкото околу 10-15 минути додека не омекне и не стане златесто однадвор. Тргнете го и чувајте го на топло.
Во истото тавче ставете ја половината лажичка брашно и пржете околу 30 секунди со мешање. Потоа додадете го виното или супата и варете се додека виното скоро сосема не испари.
Додадете го сенфот и павлаката, а потоа и исечканата мајчина душичка или друг зачин. Зачинете со сол и црн пипер.
Ставете го пилешкото во чинија за послужување и оозгора посипете го со сосот. Послужете со варен зеленчук, ориз, или пире.