Состојки:
2 листа обланди
550 г жолт шеќер
3 дл вода
250 г маргарин
150 г сечкани лешници
100 г суви кајсии
400 г мелени кекси
За прелив:
200 г чоколадо за готвење
50 мл зејтин
Подготовка:
Во тенџере ставете жолт шеќер и загревајте го на умерена температура со повремено мешање додека не се карамелизира.
Долејте потоа вода и продолжете со готвењето додека карамелот не се растопи.
Додадете маргарин, па мешајте додека и тој не се растопи.
Тргнете го тенџерето од оган, додадете ги мелените кекси, сечканите лешници и сувите кајсии и мешајте додека не се добие компактна смеса.
Првата обланда ставете ја во подлабока тепсија со соодветна големина, па прелејте ја со млак фил од кекси. Прекријте ја со другата обланда и притиснете одозгора со некој потежок предмет па оставете го колачот да се стегне.
Одделно растопете чоколадо со зејтин, па прелијте врз обландите. Почекајте глазурата да се стегне а потоа исечете ги на помали коцки.