Во некои животни простории едноставно не можеме да имаме традиционално предсобје, особено во мал стан со долг ходник и мали соби. Во тој случај можеби би било најдобро да ги разделите функциите на предсобјето на неколку места во домот, при што секоја функција посебно би имала свое место.
Размислете за тоа како се движите низ просторот кога ќе влезете во куќата и според тоа ќе ги одредите тие места.
На ѕидот до влезната врата поставете ја закачалката за клучеви и кутијата за пошта. Кога ќе влезете, прво ќе ги закачите клучевите и ќе ја ставите поштата на нејзиното место.
Потоа, ќе сакате да ги собуете валканите чизми и да ја спуштите торбата. Во тесниот ходник само малку под закачалката за клучеви поставете метална полица за обувки – можеби таква која има и дополнителна полица за ташна. Или на ѕидот над полицата поставете куки на кои ќе ги закачувате ташните.
И на крај ќе сакате да го закачите капутот или јакната. Ако нема ормар за облека, ќе биде добро да се постават и куки за капути, полици со корпа за ракавици, шешири и шалови.
И тоа е тоа!
Сега можете да се опуштите во својот организиран дом без да се грижите во текот на утрото, кога ќе морате да излетате надвор и да го фатите автобусот, дали сте ги изгубиле ракавиците, клучевите или ташната.