Секој ден луѓето трошат најмалку половина час за сурфање на интернет, листаат објави на социјалните мрежи или седнати во фотељата и гледаат телевизија. Од друга страна, од само 30 минути пешачење дневно може да имате многу повеќе корист, барем кога здравјето е во прашање.
Еве што ќе се случи со вашето тело доколку секој ден пешачите 30 минути.
- Ќе согорите околу 150 калории
Во зависност од теренот и брзината на пешачење, доколку одите пола час ќе согорите околу 150 калории.
- Ќе се чувствувате смирено
Одењето опушта дури и ако не сте во природа, туку на прометните и гласни градски улици.
- Нозете ќе ви бидат поцврсти
Само 30 минути пешачење дневно е одлично за тонирање на мускулите. Ако покрај секојдневните прошетки одлучите да тренирате два пати неделно, ќе забележите уште подобри резултати.
- Можете да ги намалите варикозните вени
Редовното пешачење го намалува појавувањето и болката на варикозните вени, откриваат специјалистите од Клиниката во Кливленд.
- Ќе го подобрите метаболизмот
По оброкот не седете пред телевизор и немојте да се одмарате. Триесетминутна прошетка ќе го забрза вашиот метаболизам и ќе го одржи шеќерот во крвта во рамките на нормалата.
- Можете да завршите многу задачи
При одење можете да го користите вашиот телефон, а тоа значи да ги завршите и бизнис разговорите и да одговорите на електронските пораки или само да му се јавите на семејството и пријателите.
- Може да се инспирирате за уште повеќе вежбање
По неколку недели пешачењето ќе ви стане рутина, а првите резултати би можеле да бидат поттик за уште повеќе активности. Пробајте да трчате или возете велосипед, можностите се бесконечни, како што пишува Dnevni avaz.