“Stairways to Heaven” или “Highway to Hell” – која е вашата омилена песна во автомобилот?
Каква музика слушате за време на возењето – брза, бавна или “само нека пее нешто”?
Истражувањето спроведено од страна на британската компанија Moneybarn открива дека повеќето од нашите омилени песни кои сакаме да ги слушаме за време на возењето, негативно влијаат врз безбедноста.
Во принцип, музиката чие темпо е повисоко од 120 BPM (отчукувања во минута), има лош ефект врз возачот, бидејќи го тера да вози побрзо и да прави повеќе сообраќајни прекршоци.
“Ако чувствувате дека некоја песна, од радиото или од вашата листа на Spotify, одвлекува премногу внимание, можеби ќе сакате да се промени”, вели претставникот на Moneybarn сумирајќи го истражувањето и додаде дека возачите мора да размислат за негативното влијание од изборот на песните за возење.
Со анализата на 96 од најпопуларните песни за возење од сервисот Spotify добиен е резултатот дека најопасната песна за возење е “American Idiot” на бендот Green Day. Таа има највисоко ниво на енергија од сите песни (0,988) и 186 BPM темпо.
Топ 5 најопасни песни:
- “American Idiot” Green Day
- “Party in the USA” Majli Sajrus
- “Mr. Brighside” The Killers
- “Don’t let me down” The Chainsmokers
- “Born to Run” Brus Springstin
Помалку од 30 проценти од тестираните песни беа прогласени за безбедни за возење. Најбезбедна е легендарната “Stairway to Heaven” од групата Led Zeppelin (енергетска вредност од 0,34 и темпото 82).
Топ 5 најбезбедни песни:
- “Stairway to Heaven” Led Zeppelin
- “Under the Bridge” Red Hot Chili Peppers
- “God’s Plan” Drejk
- “Africa” Toto
- “Location” Kalid
Во прилог на темпото и енергијата што песната ја пренесува на возачот, влијание има и јачината на звукот. Гласната музика влијае на срцевиот ритам, но исто така и брзината на реакцијата.