Додека ние се давиме во пластика, овие маркети ги пакуваат производите во листови, наместо во кеси: Резултатот е прекрасен

Каква оригинална идеја.

Една од главните цели на денешното општество треба да биде намалување на потрошувачката на пластика и едукација на луѓето за еколошките и глобалните промени и проблемите со кои се соочуваме во моментов.

Додека се поголем број на земји ја забрануваат употребата на пластика, пазарите во Азија излегоа со оригинални идеи, па листовите се користат за пакување производи.

Со цел да се направи позитивна промена, супермаркети низ Азија, зеленчукот го пакуваат во лисја од растенија.

Овој тип на пакување не е само исплатлив, туку и заштедува толку многу пластика што инаку би се рециклирала или би завршила на депонијата.

Неодамна, Кина престана да увезува ѓубре од целиот свет и се концентрираше на рециклирање на сопствениот отпад.

Пред тоа, повеќе од 30 отсто од глобалниот отпад завршуваше во Кина, предизвикувајќи општо уверување дека азиските земји се одговорни за создавање на најголемиот дел од светскиот отпад.

Сега, азиските земји, вклучувајќи ги и Виетнам и Тајланд, бараат нови начини за избегнување на пластиката. Ова стана солидна основа за нови бизнис идеи.

Една од овие идеи беше новиот, еколошки прифатлив начин за пакување на производи со избегнување на пластично пакување.

Овој начин на пакување на стоката ги воодушеви клиентите, а фотографиите се споделуваат на социјалните мрежи. Којзнае, можеби други земји ќе ја преземаат оваа интересна идеја?