Пржилница за кафе во Лос Анџелес нуди чаша на овој пијалок за 75 долари, и самата вели дека нејзиното кафе е најскапото во светот.
Klatch Coffee објави дека нивното кафе “Elida Geisha Natural 803” е најскапото во светот, а клучот е во името: бројката 803 се однесува на 803 долари платени за половина килограм на кафе на аукција.
Кафето беше продадено на аукција после победата на натпреварот за најдобро кафе во Панама.
Вкупно беа достапни само 50 килограми и ова предизвика жестока конкуренција.
Кафето беше продадено на купувачи од Јапонија, Кина и Тајван, како и на еден американски купувач.
Последниот купувач беше калифорниската компанија Klatch Coffee, која купи пет килограми кафе и сега за 75 долари продава една чаша кафе во едно од нивните кафулиња во Сан Франциско.
Но, во кафулето, не можете да влезете токму така и да нарачате кафе.
„Искуството“ за дегустација на кафето мора да биде однапред закажано.
Компанијата објави дека кафето има цветен карактер и дека може да се почувствуваат јагоди, малини и боровинки.
Klatch веќе го продаде кафето кое го купи за 803 долари.