Овен
Хороскопот за 2021 година предвидува за овој знак конечно надминување на лошото расположение и депресија, коишто ќе бидат доминантни на почетокот од годината, а потоа следува период на хармонична љубов и убави пријателства.
Околностите ќе ви помогнат, а вие мора да знаете како да ги искористите на најдобар можен начин, за да ги надминете деловните потешкотии коишто ќе се појават во 2-от месец, а во 3-от месец дополнително ќе се влошат. Судбината час ќе ви се насмевне, час ќе ви го врти грбот. Пред вас се бројни предизвици низ кои ќе морате сами да поминете.
Бик
Следната година ќе донесе подобрување во областа на семејството и пријателствата. Ова исто така ќе биде време кога ќе треба сериозно да го сфатите вашето здравје.
Треба да ги решите сите важни работи до средината на април, а плодовите од вашата работа ќе ги соберете во јуни. Бидете внимателни и широко отворете ги очите – ќе се соочите со едно предавство во текот на летото.
Близнаци
Почетокот на годината ќе биде идиличен период за вас, ако не направите кардинална грешка. Можни се бројни службени патувања. Најдобрите вести и најубавите настани ве очекуваат во 9-от месец, како и подобрување на финансиската состојба.
Од 10-ти месец, сè ќе оди добро и среќата ќе ве следи без оглед што ќе правите. Сепак, во 11-тиот месец, разочарувањето пристигнува како резултат на грешките што сте ги направиле во еден период од вашиот живот.
Рак
За вас, 2021 година е период на добри дела што ќе ги правите за другите, но и за вашата душа. Судбината добро ќе ве награди за тоа. Во љубовта, треба да се пазите од конфликти, особено во текот на летото. Тешкотии при работа може да се појават во 9-от месец, а можни се и кавги со семејството и пријателите.
На вас останува да се потрудите да ги отстраните сите надворешни фактори кои влијаат на односите со најблиските и сè би требало да биде добро.
Лав
За припадниците на овој знак, ова ќе биде емоционално доста стресна година, додека во областа на кариерата, тие ќе напредуваат многу. Долго, интересно патување е исто така можно. Лесно ќе ги решите сите проблеми на работа, но во август ќе добиете новости кои значително ќе влијаат на сите планови што сте ги имале.
Двапати во текот на годината (март и декември) ќе ве обземат емоции поради спомени од минатото и ова ќе биде вашиот најчувствителен период. Не дозволувајте ова да влијае на другите аспекти од вашиот живот, бидејќи сè може лесно да се сврти во негативна насока.
Девица
На почетокот на годината, вашата креативност ќе забави, па затоа не треба да започнувате нови бизниси. Концентрирајте се на завршување на старите. Добар финансиски стимул е сосема сигурен, благодарение на вашите напори во 2020 година.
Првата половина од годината е исто така период кога односите со семејството ќе бидат дополнително зајакнати, а ако имало конфликти, тогаш тие ќе бидат решени. Во 8-от месец ве чека голема, но непосредна набавка, затоа започнете да штедите на време. Во 10-от месец пристигнува неволја – ќе сфатите дека многу ветувања беа празни, што ќе направи да се чувствувате немоќни и фрустрирани.
Вага
На работа ќе уживате во пријатна, пријателска атмосфера. Од друга страна, ќе треба да посветите максимално внимание на семејството, особено на постарите членови.
Покрај тоа, ќе се занимавате со непланирани реновирања и набавки, што ќе ве направи среќни. Можни се неразумни љубоморни сцени од страна на партнерот, но и тие борби ќе поминат брзо.
Скорпија
Со мал притисок и многу самодоверба, во 2021 година, ве чека чиста среќа. Сепак, не летајте во облаци – шансата за лош период во 3-от месец е многу голема. Ќе имате мир во семејството, а како одминува годината, финансиската состојба ќе се подобрува.
Важно е да не верувате во секоја добиена информација, бидејќи многу од нив ќе бидат злонамерни и целосно невистинити. Ве очекува успешно патување на почетокот на годината. Може да имате некои потешкотии на работа, кои ќе се интензивираат во зима.
Стрелец
Почетокот и крајот на годината ќе ви донесат голема среќа и успех, но во средината на годината ќе се соочите со финансиски потешкотии.
Можни се конфликти и тензии на емотивно и семејно поле. Можете лесно да го користите 7-от месец за да ги свртите работите во ваша корист, само треба да работите доволно напорно. Кон крајот на август е можна љубовна авантура, која лесно може да заврши со големо разочарување.
Јарец
Животот на секоја индивидуа родена во овој знак ќе биде тотално различен, а сè зависи од датумот на вашето раѓање. Некои Јарци ги чека голема среќа, а други тотален колапс. Сепак, секој претставник на знакот Јарец може да најде среќа во креативноста и љубовните врски. На крајот на годината можни се здравствени проблеми, затоа е клучно што поскоро да се посветите на превенцијат
Оние Јарци на кои ќе бидат миленици на среќата ќе имаат голем успех на работа и ги чека парична добивка. Оние на кои среќата нема да им оди во прилог, сепак ќе почувствуваат радост во 5-от месец, но ќе мора да работат напорно за да одржат квалитетен живот. Најтешкиот период за вас е од јуни до август 2021 година. Во единаесеттиот месец може да имате проблеми на работа.
Водолија
На претставниците на овој знак ќе им недостасува време во текот на целата година, за да завршат сè што планирале и сè што им било наметнато. Дружењето ќе биде помалку од вообичаено поради премногу обврски, а целото внимание ќе биде насочено кон работата.
Треба да работите на вашата смиреност и да не дозволите да бидете премногу нервозни, бидејќи тоа може да ве доведе во непријатни ситуации. Во 5-от и 7-от месец, бидете особено внимателни на избрзаните одлуки – тоа главно ќе бидат лоши потези. На крајот на годината, ќе се соочите со одредена загуба. Бидете внимателни со некои луѓе во соседството.
Риба
Во 4-тиот месец добивате олеснување – стресниот период заврши. Ќе доминира среќата, хармонијата во љубовните врски, убавата комуникација со пријателите и можноста за решавање на семеен проблем кој трае веќе долго време.
Што се однесува до финансиите, неопходна е претпазливост, особено во текот на 10-тиот месец. Во последниот месец од 2021 година, астролозите предупредуваат на зголемен ризик од несреќи.