Мистериозен британски уметник Банкси им оддаде признание на здравствените работници со новото дело во општата болница Саутхемптон, а платното чија слика беше објавена на неговиот Инстаграм во средата беше поставена како признание за вработените во таа болница и нивната борба против корона вирусот.

На сликата е прикажано мало момче во маица што клечи покрај кантата за ѓубре.

Тој ги замени вообичаените играчки, хероите Бетмен и Супермен, кои беа фрлени во корпа, со нов херој – медицинска сестра.

Како Супермен, сестрата има испружена рака и носеше маска за лице, капа и престилка со знакот на црвениот крст, што е единствениот елемент во боја на црно-белото платно.

Според Би-Би-Си, уметникот оставил порака со платното до болницата во која се вели: „Ви благодарам за сè што правите. Се надевам дека ќе го осветли просторот малку, иако е во црно-бело“.

Платното со големина на квадратен метар ќе остане во болницата до есен и потоа ќе биде понудено на аукција, а парите ќе бидат исплатени на британското здравствено осигурување.

View this post on Instagram

. . Game Changer

A post shared by Banksy (@banksy) on

Директорот на болницата, Паула Хед, рече дека сите во болницата се благодарни за платното.

Анонимниот уметник стана познат по серијата провокативни графити низ Англија кои честопати се занимаваат со критики кон општеството.

Напиши коментар