Замислете дека сте девојка која ги има освоено сите можни награди за вашиот глас и музиката што ја создавате. Замислете дека имате само 18 години и целиот свет ве познава. Замислете дека секој ваш поглед е проследен со илјадници папараци и дека еден ден, нa плус четириесет, одите кај вашиот брат и истите тие папараци ве фотографираат како излегувате од автомобилот во „домашно издание“. На себе имате маица на прерамки и шорцеви. Следниот ден, можете да ги видите насловните страници на сите киосци со вашата фотографија, додека под неа пишува: “Били Ајлиш се здебели!”
Сè што направивте сега е помалку важно затоа што имате маснотии во стомакот. Секој успех што сте го постигнале, како своевидно чудо, сега е незабележан, затоа што покажавте дека имате прекумерна тежина?!?
Повеќето девојки би оделе на исцрпувачки тренинзи, гладување, испирање на цревата, но не и Били Ајлиш. Таа само изјави: “Луѓе, јас не се здебелив, изгледам така, само што не сте ме виделе порано вака облечена!”
И не жали ниту секунда што излегла тој летен ден во маица на прерамки. Таа не сака да го врати времето, сака само да покаже дека една девојка може да изгледа и вака. Дека и е дозволено да има вишок килограми, коса обоена во зелено и црно, да носи што сака и да се дружи со кого сака…
Бидете како Били и живејто го животот како што сакате!