К-поп сензацијата BTS е прогласена за забавувач на годината за 2020 година, по изборот на магазинот Тајм.
Во текстот, новинарката Раиса Брунер напиша дека BTS е „повеќе од к-поп сензација на топ листите: тие станаа најголемиот бенд во светот – и точка“
Во интервју за списанието, момците открија дека својот успех го должат на армијата навивачи – на BTS армијата. „Понекогаш се плашам од работите што треба да ги направиме, кои ми се чинат невозможни, а потоа мислам – кој ќе ги стори ако не ние“, вели Суга.
„Се прашувам дали го заслуживме овој успех, но мислам дека луѓето сметаат дека сме повеќе од сензација, тие знаат дека„ малите момчиња од Кореја “прават нешто“, наведе Р.М.
Седумчлениот јужнокорејски бенд, основан во 2013 година, стана еден од најпопуларните во светот благодарение на веселите песни, армијата фанови и позитивните неконтроверзни пораки.
Минатиот месец, бендот беше номиниран за Греми награда по прв пат, за к-поп-состав, а со хитот на англиски јазик, „Dynamite“ стана првиот бенд што дебитираше на првото место на листата на “Billboard Hot 100”