Celebrity

Дизни ја објави својата Божиќна реклама за важноста на семејството и традицијата – љубителите на Дизни вистински ќе уживаат во видеото

Инспирирано од носталгија, анимираното триминутно видео на Дизни ја следи приказната за едно семејство низ различни генерации, почнувајќи од девојчето по име Лола. Во 1940 година, на Лола и беше подарена плишана играчка Мики Маус. Во 2005 година, Лола е баба и и дава плишана играчка на нејзината внука, која си игра со култниот глушец. Секоја година, Мики го симболизира детството на Лола и нејзината врска со нејзината внука. Меѓутоа, како што минуваат годините, едното уво на играчката станува оштетено од употреба.

Внуката расне и ја заборава играчката. Лола, преплавена од тага, го остава Мики на своето биро да собира прашина. Како што продолжува видеото, внуката сфаќа дека ги повредила чувствата на нејзината баба и го поправа увото на играчката пред да и ја предаде на Божиќното утро. Исто така, домот на нејзината баба го украсува со рачно изработени украси со sвезди, коишто ги правеа заедно кога таа беше дете. Последната сцена, кадешто е прикажана силнатаи искрена прегратка на внуката и бабата, покажува како Мики Маус – Дизни го поврзува семејството и создава заедница.

Видеото завршува со едноставната порака на Дизни: „Од нашето семејство за вашето“. Текстот на песната и пораката во рекламата се многу важни, па затоа оваа реклама, како и секоја друга Божиќна реклама, е придружена со музика. Емотивната балада „Love is a compass“ за Дизни ја отпеа 19-годишната пејачка, Гриф.

Напиши коментар