Без оглед дали се обидуваат да бидат мачо, да не возвраќаат на повиците или само да се „преправаат“ дека се грижат, љубовните игри што мажите ги играат понекогаш можат да бидат многу лоши и да предизвикаат скршено срце.
„Мачо“ импресија
Една од најчестите љубовни игри што мажите ја играат е дефинитивно мачо впечатокот. Дали тој се однесува како да е бестрашен? Дали тој се обидува да се справи со сите предизвици? Искрено, повеќето мажи не се толку мажествени.
Иако голем број од нив сакаат спорт и иако се чини дека ништо женствено не може да влијае врз нив, ако го замолите да танцува со вас и да се однесува помалку будалесто, тој сигурно ќе го стори тоа. Се разбира, само ако ве сака.
Недоволно добра за него
Дали тој често вели дека би биле совршени ако ја смените бојата на косата? Начинот на кој се шминкате? Облеката? Ова се ментални игри. Никогаш не треба да си дозволите да бидете под влијание на туѓ стил или однесување.
Се преправа дека му е грижа
Кога сака нешто, најверојатно ќе каже што било за да го добие. Ако сака интимна врска, може да каже скоро што било, од „те сакам“ до „навистина се грижам за тебе“. На вас останува да откриете што е вистина. Дали навистина ве сака? Дали мислите дека само се преправа дека се грижи за вас? Како се однесува кога е во ваша близина?
Игра на спонтаност
Ова е една од најлошите љубовни игри што мажите ги играат со жените. Не станува збор само за повици за однос, туку и за мрзеливоста од негова страна. Без разлика дали ќе ви се јави за да ви каже колку многу му недостасувате и навистина сака да ве види, или ќе ве повика и ќе ги земе вашите обврски здраво за готово, тоа е многу грубо и веројатно се случува многу често.
Игра на раскинување и помирување
Навистина, една од најомразените игри! Играта на раскинување и помирување, на секои неколку дена или месеци, може да биде многу исцрпувачка. Многу е тешко да се прекине овој вид на врска, а уште потешко е да се биде во таков вид врска. Меѓутоа, ако ова ви се случи, најпаметно е да „побегнете“ што е можно побрзо. Таквата врска ќе ви одземе само време, енергија и нерви.