Дали е тоа вистинска љубов или заљубеност? Можеме да разговараме за тоа и за околу шест месеци одсега и ќе ви стане јасно дали тоа бил само наплив на страст или сте на пат кон силна, среќна и долга врска, но останува фактот дека љубовта може да нè удри како молња – таа е многу брза и силна!
- Љубов на прв поглед постои
Добро, можеби не е целосно развиена, зрела љубов, но молскавична страсна реакција кон друга личност е навистина возможна. Вашиот мозок ослободува хемикалии поврзани со љубовта во дел од секунда кога некој многу ви се допаѓа. Да, и науката докажа дека новата љубов е како дрога, предизвикува исто еуфорично чувство како и кокаинот, во истиот дел од мозокот. - Дали новата љубов личи на опсесивно-компулсивно нарушување?
Келвин Клајн го именуваше својот парфем по раната фаза на љубовта: Obssesion и италијанските научници пронајдоа биолошка врска помеѓу луѓето кои имаат опсесивно-компулсивно растројство и оние кои се заљубени помалку од шест месеци. И двете страни имаа намалено ниво на серотонин во крвта. - Хемијата е одговорна за заљубувањето
Кога сме заљубени, нашиот мозок е потопен во допамин и норадреналин, што предизвикува еуфорија. Затоа новите парови разговараат на телефон цела ноќ, патуваат стотици километри за да го поминат викендот заедно, воодушевени се од секоја ситница со нивниот нов партнер. Заљубувањето предизвикува и наплив на адреналин, што го прави нашето срце да чука како лудо, а колената да ни се вкочануваат додека сме во присуство на нашата нова сакана личност. - Најдобар афродизијак и за мажи и за жени
Тестостеронот, и кај мажите и кај жените, е единствената позната супстанца што ја зголемува сексуалната желба. Да, слушнавме дека и остригите кои содржат многу допамин, го прават истото, но нема докази дека го зголемуваат либидото. Чоколадото, друга храна што е заслужна за афродизијачки својства, е богата со фенилетиламин, „љубовната молекула“ како што ја нарекуваат, но исто така нема докази дека конзумирањето чоколадо ослободува хормони како допирањето на рацете или гледањето во очи. - Да се биде заљубен е исто како и зависноста
Истиот дел од мозокот реагира кога луѓето се лудо заљубени како и кога земаат кокаин или други опијати. Љубовниците, исто така, покажуваат класични знаци на зависност. Како што се развива романтиката, тие копнеат се повеќе за „дрога“ – односно за таа друга личност. Раскинувањето може да предизвика симптоми на повлекување, како што се несоница и депресија. По „закрепнување“, напуштените љубовници можат повторно да добијат симптоми на копнеж по некој близок ако, на пример, ја слушнат нивната заедничка омилена песна.