Сигурно многу пати сте слушнале за сексуално и емотивно неверство, но друга форма на неверство им создава сè повеќе проблеми на паровите.

Дали некогаш сте слушнале за терминот финансиско неверство?

Тоа е форма на однесување во врска или брак што се манифестира во неискреност за финансиската состојба.

Поконкретно, тоа е чин на прекумерно трошење и акумулирање на долговите без знаење на партнерот.

Оваа форма на неверство вклучува и каква било финансиска одлука донесена без консултација со партнерот, а има негативно влијание врз односот на парот или финансиската стабилност.

Голем број на неодамнешни студии покажаа дека финансиското неверство е во пораст и се случува меѓу паровите од сите возрасти.

Според една студија во САД, дури 41% од Американците ги криеле своите долгови, празни сметки, позајмување пари и лоши навики за трошење од партнерите.

Импулсивното тајно купување и непланирано трошење се меѓу најчестите финансиски проблеми со кои се соочуваат паровите.

Кога ќе се открие вистината, постои сериозно кршење на довербата меѓу партнерите, а страната од која проблемите беа сокриени, со причина се чувствува измамено.

Тешко е да се поверува дека некој може толку многу да ве лаже, некој за кој мислевте дека сте се разбрале и дека може да го „прочитате“.

Кавгите поврзани со парите се потешки и траат подолго, вели Меган Меккој, професорка на Универзитетот во Канзас, кој е специјализирана за финансиска терапија, нова форма на терапија која комбинира финансиски и семејно советување.

Навиките на потрошувачите најчесто стануваат проблем кога парот ќе одлучи да направи голема инвестиција, како што е купување нов автомобил или стан и во неочекувани кризни ситуации кога итно им требаат пари.

Токму тогаш излегуваат на виделина тајните на лицето што ја криело својата финансиска измама.

Напиши коментар