Колку пати сте си рекле: „Да го знаев ова претходно, каде ќе ми беше крајот!“? Сигурно многу пати. Сепак, мораме да имаме различни искуства за да научиме важни животни лекции и следниот пат да се однесуваме попаметно во дадена ситуација.
Се разбира, додека созреваме и се пронаоѓаме себе, честопати добиваме совети од родителите, пријателите или другите членови на семејството. Но, иако не е научно докажано, факт е дека човекот учи најмногу од сопствените грешки.
Еве неколку животни лекции што повеќето луѓе ги учат кога е веќе премногу доцна:
Талентот е само 1% од успехот во животот. Сè друго доаѓа со многу напорна работа.
Времето е драгоцено. Вие сте во голема загуба ако губите време.
Не треба слепо да ги следите правилата што ви ги наметнуваат успешните луѓе. Секој од нив се остварил на свој начин, па така и вие!
Ако целиот живот ја следите линијата на „мал отпор“ и не работите напорно на својата среќа и успех, еден ден ќе се разбудите и ќе сфатите дека животот едноставно ви поминал и не сте направиле ништо како што требало и како што сте сакале.
Треба да се слушнат и разгледаат туѓите совети, но секоја одлука мора да ја донесете сами! Тоа е единствениот начин да го дизајнирате сопствениот живот.
Никогаш не работете за пари, туку затоа што уживате во работата што ја работите. Заработката ќе биде слатка само кога ќе ја завршите работата за која сте платени со уживање и на најдобар можен начин.
Нема да го решите проблемот со жалење. Наместо постојано да се жалите, преземете иницијатива и решете го проблемот што ве мачи.