Веројатно е непријатна тема за одредени, но е многу важна и потребно е да се зборува за тоа, за секој на крајот да може да донесе правилна одлука, поради која не би се каел подоцна.
Првиот сексуален однос се смета за главна транзиција од адолесценцијата во зрелоста. Сепак, денешното модерно време донесе со себе модернизирани правила кои во овој случај го кршат поранешното „ништо пред брак“! Да се разбереме, сето ова е нормално затоа што е тоа е денешницата, но важно е да се нагласи дека сериозните активности носат сериозни последици. Дали сте се запрашале кога е вистинското време за прв секс?
Ова прашање се протега со години во научните, но и помалку стручни гранки, а за тоа сè уште нема конкретен одговор, туку само совети засновани на индивидуално ниво на секоја индивидуа. Но, има еден општ одговор на ова прашање – зависи од тебе! Според твојата возраст, ставови и количина на зрелост, може да се чувствуваш подготвена на 17 години, а некои на 23 години сè уште не се доволно сигурни во себе, во својата зрелост и подготвеност за прв сексуален однос. Сепак, притисокот од околината, но и од партнерот со кого ќе го имате првиот сексуален однос, може да предизвика непријатност. Тука се повикуваме на фактот дека денес за некои е незамисливо кога некој ќе реши да има сексуален однос многу рано, но исто така е неприфатливо кога некој ќе одлучи да го стори тоа многу подоцна од другите. Затоа е поумно да ги чуваш таквите работи за себе поради притисокот од околината. Покрај тоа, притисокот од партнерот не треба да се игнорира.
Имено, спроведено е едно истражување, чии резултати беа повеќе од зачудувачки. Нешто повеќе од 20% од средношколците потврдија дека нивните партнери ги убедувале да имаат секс, и покрај фактот дека не се чувствувале доволно подготвени. Таквите работи се и повеќе од неприфатливи, затоа не дозволувајте никој да ве убедува да направите нешто што не сакате сами да го направите, а тоа може да има огромни последици кои не се безопасни. Принудата да имаш секс се смета за форма на насилство во врската, така што таквата врска не може да опстане ниту сега, ниту во подоцнежниот живот. Кога ќе чувствуваш потреба, ментална и емоционална способност да имаш прв сексуален однос – тогаш ова е вистинското време за тебе, а не по препораката на некој друг.