Astro&Horoscope

Ова се хороскопските знаци со најголемо его – Мислат само на себе!

Иако е една од најмалку посакуваните карактерни црти, за жал, себичноста е карактеристика што природно доаѓа со пакет емоции, коишто сите ги поседуваме од раѓање, до некој одреден степен.

Според астрологијата, некои хороскопски знаци се посебични од другите. Се разбира, не може да се измери колку може да се биде себичен или егоцентричен но, сепак астрологијата може да покаже кои знаци имаат природна склоност да се однесуваат како да се „дадени од Бога“.

Овен

Ако некогаш сте се сретнале со Овен, знаете дека нема поголем мајстор во себично однесување од него. Кога луѓето родени во овој хороскопски знак сакаат нешто, прават сè за тоа да се случи. Овните се родени лидери, затоа веруваат дека светот е нивен и дека сè треба да оди како што замислуваат. Тие по природа се независни, секогаш го прават она што им се допаѓа, без да мислат на другите луѓе околу себе. Не се запознаени со емпатијата и ретко можат да се стават во туѓа кожа, за да видат како нивните постапки влијаат на другите. Исто така, тие лесно можат да се налутат штом ќе се чувствуваат малку непријатно, бидејќи се импулсивни. Ништо и никој не може да биде пред нив, Овенот со право е најголемиот егоцентрик во зодијакот.

Лав

Лавовите се чесни, директни и верни, но имаат тенденција да мислат дека светот се врти околу нив. Со моќта дека може да ја разубави секоја просторија, Лавот влијае позитивно на сите и задоволство е да се дружите со него. Тој е воден од срцето и живее за љубовта. Но, не е сè толку розово. Лавовите лесно можат да се навикнат да им се восхитувате и потоа да се претворат во целосно егоцентрични луѓе. Тие се храбри, бестрашни и способни да ја надминат секоја пречка што им стои на патот на нивните желби – Лавовите се навистина неверојатни. Односно, сметаат дека нема други луѓе во светот кои би можеле да бидат повредени од нивното однесување и постапки. Бидејќи тие имаат огромно его и постојан глад за внимание, може од време на време да ви биде тешко да се справите со нив.

Скорпија

Ако никогаш не сте биле блиски со Скорпија, Џон Сноу од „Игра на тронови“ би рекол: „Не знаете ништо“. Скорпиите припаѓаат на група луѓе кои мислат дека светот се врти околу нив и само околу нив. Тие се толку егоцентрични што ако почнете да зборувате за одредена тема и сфатат дека знаете повеќе од нив, тие ќе ги користат своите манипулативни вештини за да се обидат да го пренасочат разговорот и да зборуваат за нешто за што знаат повеќе, цело време обидувајќи се да останат смирени и да не покажуваат знаци на лутина. Скорпиите сакаат да се однесуваат мистериозно, но вистината е дека тие се огромни егоцентрици. Да не спомнувам дека во врската тие се љубоморни, посесивни, параноични и контролираат до таа мера што можат да ја исплашат и најхрабрата личност на Земјата. Исто така, можат да бидат безобразни без причина и да одбијат да ви дадат каква било причина, бидејќи нема потреба да се мачат.

Напиши коментар