Заљубувањето е почетна фаза и воедно најубавиот период во една врска. Но, она што следува е многу поважно за здрав и квалитетен однос.
Ако сакате да бидете сигурни дека ова е навистина вистинското, прочитајте помеѓу редови и откријте знаци кои велат дека вашата врска е цврста како карпа.
1. Допири
Мали, спонтани знаци на внимание, како што се постојано допирање, чешкање и допири за време на вечера, гледање филм, дружење, досадување и спиење, ви кажуваат многу за вашите чувства.
Ова се знаци кои откриваат дека уживате во партнерот во потполност и дека никогаш не сакате да го „испуштите од рацете“.
2. Бакнежи
Исто како и галењето, бакнувањето е многу интимен и длабок начин да му покажете на некого колку ви значи. Ако бакнувањето е вашата дневна рутина, може да открие многу за вашата врска.
Истражувањата покажуваат дека паровите кои честопати се бакнуваат имаат многу подобра врска од оние кои забораваат на тоа.Бакнувајте се секогаш кога чувствувате потреба!
3. Секс
Иако сексот можеби не е знак за квалитетна врска, вашите чувства секако се. Едно од нив е секако страста.
Сексот ги приближува партнерите, правејќи ги порелаксирани и посреќни. Бројни студии потврдија дека редовниот сексуален однос влијае на квалитетот на врската, како и на бракот.
Не занемарувајте го овој дел од врската и уживајте во страствените моменти кога и да можете.
4. Социјализирање
Ако под совршено помината вечер значи да гледате филм со партнерот, знајте дека вашата врска е на добар пат.
Кога партнерите уживаат во друштвото, имаат интересни разговори и дискутираат за сите теми и на нив не им треба никој друг да ги забавува, опишува цврста и длабока врска.
Менталното и физичкото поврзување е еден од најважните знаци за добра врска.
5. Интуиција
Тоа чувство кога едноставно знаете дека е вистинското … Истражувањата покажаа дека интуицијата е многу важен показател за квалитетна врска.
Доколку ја погледнете иднината, и во неа го гледате и вашиот партнер, и замислувате среќни моменти што ќе ги поминете заедно, не ја запоставувајте вашата интуиција. Таа е тука со причина.