- Голтате фрустрации
Имавте расправија и треба да разговарате со вашето момче, но не го правите тоа туку замислувате разговор во кој објаснувате сè што ве мачи, но не можете да го реализирате – тогаш имате сериозен проблем. Имено, експертите тврдат дека сте свесни дека имате различни ставови и дека мислите поинаку од него, но ако навистина му го кажете тоа, ќе има уште поголеми проблеми и заладување на односите. Проголтаните фрустрации порано или подоцна излегуваат на површина, а после нив нема да има среќен крај. - Ја анализирате секоја постапка
Ако веќе некое време анализирате колку всушност жртвувате и од што се откажувате за да ја направите врската успешна – а вашиот партнер не ви ја врати со истата мерка, се чини дека нешто не е во ред. Ако пресметувате кој кого бакнал повеќе пати, дал комплимент, рекол извини или направил нешто убаво, тоа го издава вашето незадоволство. - Не можете да замислите заедничка иднина
Замислувањето на иднината со вашиот сакан прави да се чуствувате непријатно, а стомакот почнува да ви се превртува од болка? Сè повеќе, размислувате за тоа колку би било генијално да бидете соло, да излезете безгрижно со другарките и да си го испланирате денот како што ви одговара? Овие се очигледни знаци на желба за независност или одвојување од партнерот. - Сакате да бидете некој друг
Забележувате како една среќна девојка и момче се смеат и се прегрнуваат на клупа во парк, како вашиот сосед и купува цвеќе на сопругата барем еднаш неделно, како вашата другарка ужива во секоја секунда со своето момче и никогаш не е нервозна и фрустрирана, а вие го оправдувате своето незадоволство од лошата врска и вината ја префрлате на партнерот? Ако навистина мислите дека вашата врска би била подобра доколку вашето момче се труди понапорно, тоа значи дека не сте размислувале, дури и ако е вистина, што би можеле да направите за да ја направите врската подобра. Затоа, добро размислете дали сакате да вложите напор во врската, односно дали воопшто сакате да бидете во врска – сепак, важно е да разговарате со вашиот партнер за сè што ве мачи.
