Дванаесет браќа и сестри од Пакистан поставија нов Гинисов рекорд во збир на годините на членовите на семејството, објавено е на официјалната веб-страница на Гинисовата книга на рекорди.
Вкупниот збир на нивните години е 1042 години и 315 дена.
Дванаесет браќа и сестри од семејството Декрус се родени од мајката Сесилија и таткото Мајкл во Пакистан, а денес тие живеат низ целиот свет – во Швајцарија, Канада и САД, а нивната возраст се движи од 75 до 97 години.
Првото бебе родено во семејството е Дорин на 3 септември 1923 година, а потоа следат Патрик (30 септември 1925), Жeеневив (4 јули 1927), Џојс (2 март 1929), Рони (24 август 1930), Берил (26.08.1932), eо (1.06.1934), Франческа (17.09.1936), Алтеа (27.07.1938), Тереза (9.06.1940), Розмари (30 март 1943 година) и на крај Евгенија (24 октомври 1945 година).
Тие пораснале во Пакистан, а најстариот брат Патрик се преселил во Канада поради работа, сакајќи да се пресели и остатокот од семејството.
Нивниот татко починал кога најмладата ќерка имала само година и пол, а како што изјавија за Гинисовата книга на рекорди, неговата загуба ги зближила уште повеќе.
