Едно е да се биде добро момче и добар сопруг, а сосема друго е да се биде добар татко. Постојат мажи, кои подеднакво со нетрпение чекаат да бидат исполнети во улогата на родител, a има и такви на кои тоа едноставно им се случило и немале друг избор.
Сака деца и тие го сакаат него
Вашиот партнер едноставно не е имун на деца. Секогаш кога ќе види мало дете, го тера да се насмевне, а со децата на вашите пријатели, тој е подготвен да си игра до исцрпеност, а тие едноставно го обожаваат.
Ако е таков со туѓите деца, ќе биде барем трипати подобар со своите.
Флексибилен е
Кога ќе ви се чини дека светот се свртел наопаку, тој се прилагодува на новата ситуација и успева да ве смири, за да може сè да биде во ред. Ова е многу важно, бидејќи доаѓањето на бебето е една од ситуациите што целосно ќе ја промени вашата рутина. Во тие моменти ќе ви треба голема поддршка и некој што ќе ви даде до знаење дека сè е во ред.
Нежен е по природа
Ова е многу важно кога во вашиот партнер го гледате идниот татко на вашите деца. Ако е со многу импулсивен и ненадеен карактер, работите може да се влошат со текот на времето, а вие тогаш би биле личноста која свесно ги довела своите деца во неволја и веќе сте го одредиле нивното детство со изборот на татко.
Ако вашиот партнер е трпелив, нежен, воспитан и полн со разбирање, тој ќе се однесува исто кон вашите деца, што е неверојатно важно за формирање здраво семејство.
Тој знае што е тимска работа
Тимската работа е важен дел од воспитувањето на детето. Без разлика колку различни ставови имате, мора да најдете компромис и не смеете да се саботирате еден со друг пред детето, ако сакате да го одведете на вистинскиот пат.