Бидејќи научивме нешто за бесмислените правила за запознавање, кои треба да ги отфрлите, бидејќи навистина не е важно колку е некој висок, какво е неговото образование, дали ја презел иницијативата и дали ја покажува својата финансиска (и машка) доминација плаќајќи сè – да ги поставиме работите како што треба.
- Слични вредности и амбиции
Да се биде во врска со некој кој е повеќе или помалку мотивиран од вас е доста тешко.
Тој вид на недоследност нема сама по себе да се усогласи, бидејќи ако едниот од вас се труди да се развива, да ги остварува своите соништа и да ги прошири своите граници, а другата страна е задоволна таму каде што е, шансите да се создаде незадоволство се огромни.
Или затоа што вашиот партнер ве ограничува со неговиот недостаток на амбиција, или затоа што тој ве надминува и не можете да го следите. Пронајдете некој што има слични основни вредности и кој ги следи своите соништа.
- Погледи за здравјето, диетата, вежбањето
Тоа е многу поважно од висината или образованието. Кога сте во врска со некого, треба да имате слични навики, да имате содржина што можете да ја споделувате и во која уживате и двајцата.
Ако сте веган и вашиот партнер јаде во ресторан за брза храна, ќе бидете незадоволни поради тоа.
Ако сте статични и не сакате да се движите, а другата личност се занимава со пешачење, возење велосипед или некој друг спорт, тоа ќе биде една голема област од неговиот живот во која вие не учествувате и една припадност што значително го дефинира, а вас ве исклучува.
Нема да се чувствувате добро поради тоа.
- Ставови за пријателите, семејството, децата, домашните миленици
Сакате деца, а тој не може ниту да замисли некој мал палавко да му се всели во животот. Неговото куче е негов најдобар пријател, но затоа не може да поднесе мачки, кои вие ги обожавате.
Тој има лош однос со своето семејство и не разбира зошто е важно да одите (заедно) на вашите семејни собири.
Неговите пријатели се на прво место и тој не се обидува да ве поврзе со нив, ги става пред вас. Продолжете да набројувате, има многу, а сигурно сте ги искусиле повеќето од нив.
На кратко, нема да функционира. Семејните односи, ставовите кон послабите, сиромашните, децата и животните, го одразуваат нивото на почит кон животот и свеста дека во природата сè е поврзано и дека сите сме поврзани.
- Вие не сте половина од парот, туку две целосни лица
Кога сте заедно, може да се чувствувате целосни и исполнети и тоа е добро чувство и знак дека сте пронашле компатибилен партнер.
Но, вие двајца не сте половина личност, туку две целосни личности, кои си го збогатуваат животот еден на друг и ги прошируваат своите хоризонти со разликите, своите потреби, страсти, интереси.
Во суштина, само две целосни личности кои се задоволни од себе, затоа што се сакаат себеси и својот живот, можат да имаат здрава врска.