Понекогаш е доволнa само мала промена на начинот на гледање на работите за драстично да го смените вашиот живот. Се разбира, во повеќето случаи, потребно е да се променат лошите навики кои ве спречуваат да бидете среќни.
Ова се ограничувањата што си ги наметнавме на самите себе, а психологот Аманда Кроул наведува дека наместо да губиме време и да ги менуваме другите, прво мора да се промениме ние самите.
- Јас едноставно не мислам дека можам да го направам ова
Докажано е дека визуелизацијата на успехот помага да се постигне успех – и обратно. Ако верувате дека не можете да го направите тоа, многу е поверојатно дека дури и нема да го постигнете тоа.
Верувањето дека не можете да направите нешто често вклучува неточни претпоставки или ограничувачки сценарија што постојат само во вашата глава. Кроуел го објаснува ова со постоењето на страв кај сите нас што не спречува да испробуваме нови работи. „Во основа, сè е можно, само кога ќе се осмелиме да се обидеме. Дозата на страв е сосема нормална “, вели таа.
- Не сум доволно добар/ра за ова
„Кога ја започнав својата деловна активност како претприемач, се појавија ужасни сомнежи и бев убедена дека не можам да го постигнам тоа, но годините покажаа дека сум била во целосна заблуда“, вели една од нејзините пациентки.
Аманда објаснува дека оваа бариера е многу лесно да се надмине. Вие само треба да разговарате со луѓе кои поминале низ слична ситуација.
Ќе сфатите дека секој се сомневал во себе, во поголема или помала мера, кога тргнал на патот кон успехот. Кога ќе сфатите дека не сте сами и дека другите имале слични ментални блокади, ќе ви биде полесно да се осмелите да продолжите понатаму.
- Тоа се очекува од мене
„Работев со многу луѓе кои бркаа соништа на други луѓе, живееа туѓа приказна, обидувајќи се да ги постигнат работите што се очекуваа од нив, наспроти она што тие навистина го сакаа. Решението е да бидете целосно искрени со самите себе и искрено да си признаете што навистина сакате.
„Твојот живот е твоја работа, затоа правиш што ти одговара, а не она што другите го очекуваат од тебе и во она што те убедиле дека мора да го работиш“, заклучи Аманда.