Вистинска љубов…
Денес, кога сите односи значително се променија со револуционерни настани и напредок на глобално ниво, ние бараме начини да ја разбереме, опишеме и доживееме љубовта. Од оваа потреба, развиена е една од најдобрите и најновите теории за љубовта, создадена од Роберт Стернберг во 90-тите години на минатиот век.
Според Стернберг, интимноста, страста и приврзаноста се „трите клучни компоненти“ на љубовта, а дека неговата теорија е вистинита е потврдена со истражување од разни земји во светот. Тој тврди дека дошол до оваа теорија во време кога тој и самиот бил во врска што веќе не води никаде и бил принуден да ги преиспита сите аспекти на романтичните врски.
Што сака да каже под овие „три компоненти“?
- Интимност
Интимноста во врската ни кажува колку се блиски, поврзани и колку си веруваат едни на други. Клучот за висок степен на блискост е добрата комуникација, која потоа условува блискост и длабока поврзаност со партнерот. - Страст
Колку сме страствени, може да се заклучи од тоа колку сме возбудени кога треба да видиме друга личност и дали чувствуваме копнеж секогаш кога таа личност не е со нас. Страста значи и физичка привлечност, но Стернберг тврди дека односите засновани само на тоа генерално немаат иднина. - Приврзаност
Ова е единствената компонента на љубовта која е свесна и намерна и подразбира нечија решеност следниот период од животот да го помине само со една личност. Стернберг го опишува како момент во кој велиме „ова е тоа, не мора да барам повеќе“ и да одлучиме да започнеме сериозна врска.
Интересно е што овие „три компоненти“ можат да се вкрстат на различни начини и да создаваат различни видови на љубов и романтични врски. Веројатно сте имале врски во кои не биле претставени сите три компоненти, но тоа не значи дека вашата врска не била валидна или реална.
Во зависност од тоа како се вкрстуваат овие компоненти, можеме да дефинираме осум видови љубов.
- Целосно отсуство на љубов – не содржи ниту една компонента.
- Пријателство – се заснова на блискоста и довербата што ја имаме во друга личност, со целосно отсуство на физичка привлечност или желба да стапиме во љубовна врска со него.
- Луда љубов – некои ја нарекуваат и страсна или заводлива и овој термин може претежно да се користи за врски што се појавуваат само кога партнерите се опседнати едни со други со ретко согледување на иднината или продлабочување на врската.
- Залудна љубов – подразбира постоење само на приврзаност и обично постои период во долгорочни врски или бракови во кои се јавува оваа фаза.
- Романтична љубов – заснована на блискост и страст претставува најголем дел од денешните врски во кои партнерите уживаат едни во други без да планираат заедничка иднина, брак или деца.
- Придружна љубов – ако имате пријателства што траат многу години, веројатно можете да ги наречете придружна љубов затоа што се исполнети со блискост и приврзаност и знаете дека секогаш можете да сметате на таа личност. Освен во пријателства, тоа се случува и во бракови во кои се губи страста, но и меѓу членовите на едно семејство кои се длабоко врзани едни за други.
- Глупава љубов – овој вид се состои од силна страст и приврзаност со целосен недостаток на интимност и знаење на другата личност. Денес, голем број парови решаваат да стапат во брак, иако меѓу нив владее луда љубов и тие не се свесни за ставовите и идеите за иднината на нивниот иден животен партнер.
- Целосна љубов – комбинација од три клучни компоненти создава вистинска, целоснаљ убов и хармоничен однос