Сите сакаме убава и негувана кожа, но се случува, кога сакаме да постигнеме најдобри можни резултати, да претераме малку.
Особено кога станува збор за пилингот.
Да, тоа е добар начин да се ослободите од нечистотијата и мртвата кожа, но мора да бидете многу претпазливи со пилингот, без оглед дали се работи за механички или хемиски пилинг.
Еден од првите симптоми дека сте претерале со нивната примена е пецкање на кожата, црвенило, чешање, па дури и болка.
Ако се случи вакво нешто, најважно е да не паничите.
Козметичарите и дерматолозите посочуваат дека постојат повеќе начини за враќање на оштетената бариера на кожата.
- Престанете со пилингот на некое време
И не само тоа. Треба да заборавите некое време и на маските, па дури и на депилацијата и бричењето – односно, на сè што дополнително ја иритира и суши вашата кожа. - Избегнувајте изложеност на топлина и сонце
„Изложеноста на свежата кожа којашто не ја формирала целосно заштитната бариера може да предизвика промена на бојата или лесни изгореници“, вели познатата естетичарка и медицинска сестра и дерматолог, Натали Агилар.
Затоа е поважно од кога и да е да се подмачкува кожата со заштитен фактор, без оглед дали е зима и е облачно.
Исто така, не се препорачува туширање со премногу топла вода или премногу висока температура во куќата, како и сушење со фен за коса.
- Држете се до вашата рутина за дневна нега
Грижата треба да биде што е можно поедноставна и да ја обновите природната состојба на кожата на најздрав можен начин.
Бидејќи вашата кожа во моментов е многу чувствителна, најдобро би било да користите нежни производи без дополнителни мириси или силни хемикалии. Нека вашата рутина биде колку што е можно похранлива, фокусирајќи се на состојки за подмачкување како церамиди, хијалуронска киселина и колоиди.