Многумина од нас имаат потреба да им ги кажат сите свои проблеми на своите пријатели. Без оглед каква е природата на проблемот, ние се чувствуваме подобро кога им се доверуваме на оние кои најдобро нè разбираат, а најчесто зборуваме за љубовни проблеми.
Сепак, многу експерти сметаат дека некои детали од врската треба да останат меѓу партнерите и не треба да ги споделуваме со други.
Караници со семејството на партнерот/ката
Сите, понекогаш имаме поплака за однесувањето, на пример свекрвите, но тоа треба да го чуваме за себе. Во природата на луѓето е да заземат одбранбен став кога станува збор за нивното семејство и никогаш не можете да знаете дали коментарот што некому сте му го кажале во доверба ќе допре до партнерот или семејството и ќе предизвика незадоволство.
Приватни информации
,,Те молам, ова нека остане меѓу нас”- е реченица што не обврзува да чуваме нечија тајна. Без оглед за што станува збор, ако нашиот партнер побара дискреција, тогаш ние сме должни да ја почитуваме неговата желба.