Колку пати не сте имале време да ја исушите косата навечер, туку само да ја исушите со фен и да си легнете? И тогаш, наутро ве чека сè, освен нормална фризура, особено во денови со поголема влажност.
Креми за коса
Откако ќе ја исушите косата и ќе ја исчешлате, ставете помала количина крема за коса. После тоа, повторно исчешлајте и наутро ќе имате коса во пристојна состојба.
Плетенки
Ако ве мрзи или немате време да се занимавате со свежо измиената коса, откако ќе ја исушите, едноставно сплетете ја. Во утринските часови, косата ќе ви биде во нежни бранови и ќе можете комотно така да ја оставите.
Од друга страна, ако сакате уште подобар ефект, вклучете го фигарото, оставете го добро да се загрее и свиткајте неколку прамени. Значи, не ви треба целата коса, бидејќи таа е веќе во благи бранови – само изберете неколку прамени и и справете се со нив. Важно е да не ги пропуштите оние покрај лицето, како и деловите од косата на скалпот.
Фен за коса
Попрскајте ја косата со спреј за нега на коса за да добиете малку влажност, вклучете го фенот за коса и со голема четка само поминете низ косата. Ќе видите дека ефектот ќе биде голем, а сето ова нема да трае подолго од седум минути, што е најважно.