Ќерката на основачот на Apple, Ив Џобс е во завршна фаза од планирањето на својата венчавка.
Летната церемонија е закажана за август, а Џобс ќе му каже „да“ на британскиот олимпиец Хари Чарлс во англискиот Котсволдс, пишува Page Six.
Се очекува на листата на гости да се најдат многу познати личности како принцезата Беатрис и нејзиниот сопруг Едуардо Мапели Моци, Камала Харис, како и ќерката на Бил Гејтс.
Меѓу членовите на семејството кои се очекува да присуствуваат се постариот брат на Ив, Рид и сестрата Ерин, додека присуството на нивната полусестра Лиза, ќерката на Стив од првиот брак, сè уште не е сигурно.
Ив е најмладата ќерка на Стив, а приватниот живот го држи подалеку од јавноста. Таа дури минатото лето на Инстаграм ја потврди врската со Хари Чарлс, каде објави видео од Олимпијадата во Париз на која го бакнува откако освои злато.
„Горда сум на мојата љубов“, напишала Ив во тогашниот опис на нејзината објава.
Пред Хари, беше во врска со Хари Хадсон како и со Дру Тагарт.