Бразилската убавица и поранешна српска снаа Адријана Лима повторно беше една од главните ѕвезди на црвениот тепих на Канскиот филмски фестивал, каде што се појави на премиерата на филмот „Гарант“. Штом застана пред фотографите, беше јасно дека нејзиниот стајлинг ќе ја одбележи вечерта.
Адријана за оваа пригода избра тесен црн фустан кој совршено ја следеше линијата на нејзиното тело и дополнително ја истакна нејзината витка фигура. Посебно внимание привлече корсетот со изразени детали на градите и нагласен струк, што го направи целиот изглед да потсетува на гламурозни модни моменти од златната ера на Холивуд.
Стајлингот беше дополнително збогатен со луксузна огрлица со голем зелен камен, што беше впечатлив детаљ на елегантниот црн фустан. Кога стануваше збор за чевли, познатата манекенка остана верна на класиката и избра едноставни црни салонки кои совршено се вклопуваа со софистицираниот изглед.
Таа ја собра косата во елегантна ниска пунџа, додека црвениот кармин го заврши целиот изглед. Токму оваа мешавина од гламур, едноставност и самодоверба ја направи Адријана Лима повторно една од најзборуваните ѕвезди на фестивалот.