Таа го очекува своето трето дете и не ја крие својата среќа.
Оваа година ќе биде година што ќе ја памети засекогаш актерката Натали Портман. Познатата добитничка на Оскар го прослави својот 45-ти роденден на 9 јуни, а само неколку недели претходно ја објави среќната вест – го очекува своето трето дете.
Актерката ќе го пречека бебето со својот партнер, францускиот музички продуцент Танги Дестаблес, и тоа ќе биде нивното прво заедничко дете.
Натали ја потврди веста за својата бременост во април, не криејќи колку е среќна за новото поглавје во нејзиниот живот. „Танги и јас сме пресреќни. Многу сум благодарна и свесна колку големо чудо е ова“, рече актерката.
Натали нагласи дека ја доживува бременоста со посебна доза на почит, бидејќи во текот на целиот свој живот слушнала за предизвиците со кои се соочуваат многу парови кога се обидуваат да добијат дете. Нејзиниот татко, Авнер Хершлаг, е специјалист за плодност, па од мала возраст била запознаена со приказните на луѓе за кои родителството не дошло лесно.
„Знам колку е тешко за некои луѓе да ја остварат оваа желба. Затоа чувствувам огромна благодарност и почит за сè што ми се случува“, рече актерката.
Од претходниот брак со францускиот кореограф Бенџамин Милпие, Натали има две деца, син, Алеф, и ќерка, Амалија.