Можеби е подобро да пиете чај од ова растение наместо вашето следно кафе.Повеќето луѓе, штом ќе ги отворат очите наутро, ставаат вода за кафе, но можеби е попаметно и поздраво да загреат вода за чај.
Иако постојат многу видови чаеви што можете да ги пиете, еден што е особено ефикасен е чајот од камилица.
Чајот од камилица се смета за безбеден за повеќето луѓе,само доколку сте алергични на него. Но, ако не сте алергични, размислете за почесто пиење на овој чај, бидејќи може да помогне во подобрувањето на здравјето на срцето, намалувањето на крвниот притисок, подобрувањето на сонот и намалувањето на анксиозноста.
5 здравствени придобивки од пиење чај од камилица:
Полесно ќе заспиете
Чајот од камилица е добро познат по своите својства за поттикнување на спиење, што може да се должи на неговата содржина на фитонутриенти, поточно соединение наречено апигенин, за кое се верува дека има седативни ефекти, објасни нутриционистот Никола Шуброк за bbcgoodfood.com.
Студија од 2015 година покажа дека пиењето чај од камилица им помогнало на жените по породувањето да ја подобрат депресијата и квалитетот на спиењето.
Може да ја ублажи анксиозноста
Истражувањата сугерираат дека камилицата може да биде корисна за оние кои се борат со блага анксиозност, иако потребни се повеќе истражувања во оваа област.
Може да биде корисна за луѓе со дијабетес
Камилицата може да помогне во подобрувањето на регулацијата на шеќерот во крвта кај луѓе со дијабетес, се смета дека може да го прави ова со потиснување на нивото на шеќер во крвта и помагање во подобрувањето на складирањето на гликоген во црниот дроб.
Една студија на 64 возрасни лица со дијабетес тип 2 кои пиеле три чаши чај од камилица дневно во текот на осум недели покажала значително намалување на нивните маркери на HbA1C (маркер што се користи како индикатор за дијабетес), како и подобрена контрола на гликемијата и профили на липиди во крвта.
Може да помогне кај дигестивни проблеми
Истражувањата покажуваат дека камилицата може да помогне во намалувањето на грчевите на мазните мускули во цревата, што може да им користи на оние со воспалителни дигестивни проблеми како дивертикулитис и езофагеален рефлукс.
Може да понуди и превентивни мерки против прилично честа бактерија позната како Helicobacter pylori, која може да придонесе за чир на желудник.
Може да биде корисна за здравјето на срцето
Камилицата е богата со соединенија наречени флавоноиди, кои имаат антиоксидантни својства и се чини дека се корисни и за контрола на холестеролот и крвниот притисок.